41
O PPdeG obtivo o deputado número once por Pontevedra co reconto do voto do Censo Español de Residentes Ausentes (CERA) nesta provincia, a falta de coñecer o escrutinio xeral das eleccións do 12X, segundo o PPdeG. Deste xeito, o PSdeG quedaría cun menos e o PP acadaría o mellor resultado das catro maiorías absolutas de Núñez Feijóo en escanos, tralos 38 deputados logrados en 2009 e os 41 alcanzados en 2012 e 2016. Fontes do partido, especificaron que este resultado é «condicional» e aínda está supeditado aos resultados do escrutinio xeral, que inclúe o reconto definitivo das actas da noite electoral, pero confían en manter este escano outorgado polo voto emigrante en Pontevedra, que o PPdeG non lograra conseguir por 45 votos.