- Teherán asegura que as sancións de EE.UU ao líder supremo pechan de forma “permanente” a vía diplomática
O presidente de Irán, Hasán Rohaní, foi tallante nunhas declaracións televisadas, nas que asegurou que os líderes da Casa Branca teñen unha enfermidade mental.
Rohaní, que xeralmente usa un ton moderado, elevou as súas verbas no día de hoxe ao falar das sancións impostas polos Estados Unidos ao líder supremo e máxima autoridade da República Islámica, o aiatolá Alí Jamenei.
Para o presidente iraniano, a medida pecha permanentemente as poucas vías diplomáticas bilaterais que seguían existindo entre os dous países. «Ningunha persoa intelixente faría o que están a facer ultimamente. Creo que hai unha enorme frustración e confusión entre os dirixentes da Casa Branca. Teñen unha enfermidade mental e claro, non saben que facer.»
A comunidade internacional asiste con temor á crise entre Washington e Teherán. Ante as cámaras de Euronews, Mehmood Qureshi, ministro de Exteriores de Paquistán pediu que non se peche o camiño ás negociacións: «Paquistán quere acabar coas tensións mediante negociacións. Non creo que disparar as tensións na rexión axude a ninguén».