Pedro Sánchez clausurou este xoves a XIV edición do foro financeiro internacional ‘Spain Investors Day’, onde remarcou a «extraordinaria resiliencia e fortaleza» da economía española nun contexto de volatilidade, incerteza e «transformacións sen precedentes», que fai que sexa «o momento de dar un novo impulso». Sánchez aseverou que o Goberno dará un novo impulso á colaboración entre o sector público e o sector privado, así como á cogobernanza entre todas as administracións, xa que «os obxectivos son compartidos: crecemento económico e xustiza social». Este impulso darase con «un Goberno de progreso, determinado e empeñado en que España siga avanzando, cun proxecto e rumbo claros, cara a unha nova prosperidade baseada en tres piares: emprego, dereitos e convivencia», concluíu.
42