O presidente de Bielorrusia, Alexander Lukashenko acusa a Occidente de librar o que chamou «guerra híbrida» para «estrangular» ao seu país.
O autócrata da exrepública soviética asegura que actuou conforme á lei para «defender á xente» durante o incidente do avión da aerolínea Ryanair forzado a aterrar en Minsk o domingo por un aviso de bomba falso: «Como predixemos, os nosos inimigos dentro do país e no estranxeiro cambiaron os seus métodos de ataque ao Estado. Cruzaron moitas liñas vermellas e traspasaron os límites do sentido común e a moral humana. Xa non é só unha guerra de información, é unha guerra híbrida moderna e temos que facer todo o posible para evitar que se converta nun conflito quente».
Unha vez en terra a policía bielorrusa,detivo a Roman Protasevich, xornalista e activista de 26 anos, e á súa noiva rusa. A súa nai, Natalia Protasevich, rogou a Europa e á comunidade internacional que presionasen a Bielorrusia para que liberen ao seu fillo: «Estou afectada. Tan só quero gritarlle ao mundo enteiro: por favor, salvade ao meu fillo! O meu fillo, ese mozo que só quere dicir a verdade sobre a situación. Non fixo nada malo».
O domingo pasado, os controladores de voo bielorrusos ordenaron a aterraxe dun avión de Ryanair que sobrevoaba o país co pretexto dunha ameaza de bomba. Un caza de combate bielorruso situouse á beira do avión comercial de pasaxeiros ata que forzou a aterraxe en Minsk.