O prezo da electricidade no mercado maiorista baixa este domingo, un 25,8%, ata os 72,82 euros o megawatt hora (MWh), segundo os resultados da poxa celebrada este sábado. O tope ao gas, que no seu día se instaurou para tratar de conter o prezo da luz, seguirá sen aplicarse este domingo, xa que a cotización do gas no Mercado Ibérico do Gas (Mibgas) continúa por baixo dos 60,6 euros/MWh, o límite fixado polo Goberno para agosto. Por franxas horarias, a luz alcanzará o seu prezo máis alto entre as 22.00 e as 23.00 horas, con 120,01 euros/MWh, e o máis baixo entre as 15.00 e as 16.00 horas, con 6,76 euros/MWh. No que vai de mes, a electricidade pagouse de media a 80,8 euros/MWh, fronte aos 308,6 euros/MWh que se rexistraron en agosto de 2022, o mes máis caro da historia.
43