O 89.603, primeiro premio da Lotería do Neno, regou de millóns L’Escala, en Xirona. L’Anxova Millonària, a Administración Número 1 desta localidade da Costa Brava, repartiu o mellor agasallo no día de Reis, e alí vendéronse todas as series do premio máis importante do sorteo, é dicir, 80 millóns de euros. O primeiro premio reparte dous millóns de euros á serie, 200.000 de euros ao décimo.
O segundo premio, o 72.289, levou a sorte por practicamente toda España. Madrid, As Palmas, Oviedo, Málaga, Vigo, Xaén, Ciutadella, Alacante, Mérida, Barcelona, Cádiz, Plasencia, Ciudad Real, Selecta, Guadalaxara, San Sebastián, Huelva, León, Lugo, Ourense, Valladolid, Salamanca, Valencia ou Zaragoza, foron algúns dos pobos e cidade agraciados. Reparte 750.000 euros a serie, 75.000 o décimo.
O terceiro caeu no 18.918, e repartiu a sorte en Lugo, Guillena (Sevilla) e Alzira (Valencia). Este premio reparte 250.000 euros a serie, 25.000 o décimo. En Valencia vendeu case cinco millóns, que se repartiron entre Alzira e Tavernes da Valldigna, onde se vendeu nun bar.