O Concello, en colaboración con entidades de Malpica, xa ten conformado o programa completo de actividades para este Nadal que rematará o 19 de xaneiro do 2024.
As actividades que o integran son moi numerosas e variadas. Haberá artesanía, deporte, música, exhibicións, obradoiros, , xogos, campamentos, contos e moito máis.
Por outra banda, este xoves, o alcalde de Malpica, Eduardo Parga, e a concelleira de Educación, Cultura, Patrimonio e deportes, Noelia Freijeiro, entregaron os agasallos aos alumnos e alumnas gañadores e gañadoras do Concurso Escolar de Debuxo e Pintura de Nadal, unha actividade que xa ven sendo unha tradición por estas datas.
