Para seguir avanzando cara un futuro máis sostible, o programa Ti tes a chave volve á rúa en Carballo nestes primeiros meses do ano. Este xoves abre o calendario das accións de rúa coas que se intentará seguir achegando á poboación a información necesaria para seguir ampliando a rede de colaboradores na recollida selectiva de residuos orgánicos. O posto estará operativo nas datas sinaladas na rúa Coruña, de 10.00 a 13.30 horas, e ademais de poder conseguir a chave que abre os colectores marróns, tamén poderás repoñer as bolsas compostables se as precisas, recoller un funil para facilitarche a recollida do aceite de cociña ou informarte sobre o programa de compostaxe na zona rural.
As datas previstas na rúa para o primeiro trimestre do ano son as seguintes:
- Xoves 2 de febreiro
- Domingo 12 de febreiro
- Xoves 16 de febreiro
- Domingo 26 de febreiro
- Xoves 2 de marzo
- Xoves 9 de marzo