O magnate ruso, propietario do Chelsea, Roman Abramovich, sofre síntomas que se corresponden cun posible envelenamento segundo o Wall Street Journal, que cita fontes familiares. O xornal norteamericano asegura que o multimillonario ruso, que participou en varias reunións con Moscova para lograr a paz en Ucraína, sofre lagrimeo constante, envermellamento dos ollos e descamación da pel en mans e cara. Uns síntomas que comparte con outros dous dos negociadores cos que viaxaba e que poderían estar relacionados cun envelenamento. O rotativo estadounidense atribúe o posible ataque a «elementos radicais de Moscova» que trataban de boicotear as negociacións. Con todo, segundo Sky News, os servizos estadounidenses de intelixencia non cren que se trate dun envelenamento.
34