O líder do PSdeG, Gonzalo Caballero, defendeu a necesidade de xerar 5.000 novas prazas sanitarias no Sergas durante esta lexislatura. Explicou que a proposta ten como obxectivo superar un número de traballadores que xa era “insuficiente” no Sergas antes da chegada da covid e que agora, por mor da campaña de vacinación, está supoñendo falla de persoal nos centros de saúde e un incremento das listas de espera. Caballero require máis persoal para fortalecer a vacinación, a presencialidade e a atención primaria fronte ao modelo de “atención telefónica” e o aumento de listas de espera: con máis sanidade podemos “abrir o grifo” da desescalada con seguridade. “Temos que rachar co círculo de debilitamento que instaurou Feijóo na nosa sanidade pública”, concluíu.
31