- O mirador é un espazo natural reconvertido polo Concello nunha área de recreo
Entre as parroquias de Coiro, Soandres e Soutullo, e a unha altura de 432 metros, atópase o mirador de Santa Marta: un espazo natural recuperado polo Concello da Laracha que foi convertido nunha ampla área de recreo, equipada con parrillas, bancos e mesas.
O grupo municipal do PSdG en A Laracha denuncia o mal estado no que se atopa o mirador, presentando un rogo no Concello con fotografías tomadas o pasado 25 de xullo. «Achegámonos ata o lugar tras as queixas de veciños e veciñas polo abandono do mirador», sinala a voceira dos socialistas María Palomi Rodríguez Castiñeira, quen esixe ao goberno municipal que «como mínimo, manteñan en bo estado espazos e lugares de esparexemento, xa que consideramos que a veciñanza de A Laracha
merecen uns espazos coidados e instalacións dignas».
