A candidata socialista á alcaldía, Palomi Rodríguez, pide ao Goberno local “aproveitar os traballos anunciados en catro parques para convertelos en espazos inclusivos e accesibles”.
“Non se pode obviar a necesidade de parques infantís inclusivos e débese asegurar a accesibilidade universal no exterior e no interior dos mesmos. Neste sentido, os socialistas apostamos por garantir que os elementos de xogo dispoñibles poidan ser usados por menores con discapacidade, que inclúan máis suxeicións corporais, elementos para nenos e nenas en cadeira de rodas, entre outras instalacións. Propoñemos ao Goberno local a elaboración do seu redeseño e a súa adecuación á accesibilidade universal e á inclusión”, conclúe a socialista.