O PSdeG-PSOE de Coristanco presentou e rexistrou vía telemática dúas mocións para que se debatan e se tome acordo no Pleno que se celebra este xoves no Concello de Coristanco. Dúas mocións, segundo afirman os socialistas, para a posta en marcha de servizos, tan necesarios e demandos polos veciños/as como son:
1.- Servizo de madrugadores nos colexios de Coristanco.
A.-Incluir unha partida económica nos orzamentos 2020 (pendentes de aprobar) para poñer en marcha o servizo de madrugadores nos centros educativos do Concello.
B.-Axilizar a elaboración dunha ordenaza que permita que os pais e nais dos nenos que estudan nos colexios do Concello poidan disfrutar do servicio durante o vindeiro curso 20-21.
2.- Servizo continuo de pediatría no Concello de Coristanco.
Instar ao Servizo Galego de Saúde a recuperar e manter a consulta de pediatría de luns a venres, durante todos os meses do ano.