O PSOE gañaría unhas eleccións cunha vantaxe de 4 décimas sobre o PP, segundo o CIS

PSOE e PP asinarían un empate técnico se hoxe se celebraran unhas eleccións xerais, segundo o barómetro publicado este mércores polo Centro de Investigacións Sociolóxicas (CIS). O PSOE, en calquera caso, superaría ao PP cunha lixeirísima vantaxe de só 4 décimas. O partido de Pedro Sánchez obtería o 32,6% dos votos, mentres que a formación de Alberto Núñez Feijóo faríase co 32,2%, medio punto máis que no anterior barómetro. Trataríase dunha vitoria pírrica para os socialistas tendo en canta os últimos resultados das enquisas do CIS. O PSOE pasa do 33,5% en setembro ao 32,6%, unha caída de nove décimas.