O PSOE rexistrou este luns no Congreso a súa proposición para reformar a Lei de Garantía Integral da Liberdade Sexual impulsada polo Ministerio de Igualdade de Irene Montero e coñecida como do ‘só si é si’, co fin de aumentar as penas cando haxa violencia ou intimidación. Fíxoo sen o seu socio de Goberno, Unidas Podemos, algo que ‘lamentaron’ os socialistas, pero abríronse a negociar as emendas con eles e cos socios de investidura: «Co PP, que non quere esta lei, non temos nada que negociar». O Ministerio de Igualdade cre que o que fixo o PSOE é «inexplicable». O voceiro do grupo parlamentario do PSOE, Patxi López, compareceu xunto coa secretaria de Igualdade do PSOE, Andrea Fernández, para dar conta da reforma rexistrada tras fracasar as negociacións desta fin de semana entre os dous socios do Gobierno. Unidas Podemos puxera como liña vermella que non se tocase o consentimento e o PSOE insiste en que iso non se vai a tocar.
28