España e Portugal reabrirán o próximo 1 de xullo a súa fronteira común, a mais larga do continente europeo, pechada de mutuo acordo en marzo pasado para conter a propagación do coronavirus. Ese día celebrarase un acto institucional no punto fronteirizo entre a cidade lusa Caia e a provincia española de Badaxoz (rexión de Estremadura). Na cerimonia participarán o rei Felipe VI e o xefe do Goberno, Pedro Sánchez, mentres que pola parte portuguesa farano o presidente Marcelo Rebelo de Sousa e o primeiro ministro Antonio Costa. Dese modo, os líderes de ambos os países queren mostrar unha ‘reapertura coordinada’, do mesmo xeito que cando decidiron o peche fai tres meses, un paso acordado entón por Sánchez e Costa. O Goberno español avogou esta semana por unha apertura coordinada das fronteiras entre os 27 países membros da Unión Europea (UE).
35