Na súa oitava viaxe a España tras establecerse en Emiratos Árabes Unidos, o emérito tomou terra no Aeroporto de Peinador, en Vigo, nun voo privado procedente de Vitoria, onde chegou ao mediodía para unha revisión médica.
No aeródromo galego, a pé de pista, como en anteriores ocasións, recibiuno, pasadas as 19:00 horas, o seu amigo Pedro Campos, presidente do Real Club Náutico de Sanxenxo, que exercerá novamente de anfitrión do exxefe do Estado na turística localidade pontevedresa, así como a muller de este, Cristina Franze.
A intención do rei Xoán Carlos, aos seus 86 anos é navegar a bordo do Bribón, que a próxima fin de semana ten prevista a súa primeira regata do ano en augas de Sanxenxo.