Reino Unido publicou este venres unha «lista verde» de 12 países e territorios cara aos que se facilitarán as viaxes para partir do 17 de maio. Entre eles, figuran Portugal, Xibraltar e Israel, pero deixou fóra a España, Francia ou Grecia, debido á súa situación epidemiolóxica. O ministro de Transporte británico, Grant Shapps, detallou que os viaxeiros que regresen a Inglaterra desde eses destinos estarán exentos de cumprir unha corentena de dez días, pero deberán facerse unha proba PCR de coronavirus unha vez regresasen. Os dous requisitos, corentena e PCR, esíxense para os viaxeiros que proveñan de países en «ámbar», como España. O Goberno británico detallou que a clasificación se revisará tres semanas despois do 17 de maio, data na que se levantará a prohibición de viaxar ao estranxeiro desde o Reino Unido.