42
O Reino Unido segue liderando o número de mortes diarias por COVID-19 en Europa. Este sábado sumou 888 novas vítimas mortais, polo que son xa máis de 15.000 as persoas que perderon a vida neste país por unha pandemia que, ademais, está a baleirar as arcas de moitos municipios. A eles dirixiuse o ministro encargado das comunidades, Robert Jenrick. «Díxenlle aos concellos que lles dariamos os recursos que necesitan para afrontalo e díxeno en serio. E por iso xa proporcionamos 1.600 millóns de libras adicionais, de novos fondos para apoiar aos concellos nas presións que afrontan á hora de responder á COVID-19», anunciou Jenrick este sábado nunha rolda de prensa.