O retroceso da pandemia aviva o Camiño de Santiago

Tal e como se desprende dos datos oficiais publicados este luns, entre o día 1 e 4 do mes de abril recolleron a Compostela algo máis de 1.600 peregrinos, cando en todo abril do 2021 rexistráronse pouco máis de 1.000. Unha proba máis das boas perspectivas que se presentan para o Xacobeo e para os negocios do Camiño nos meses máis potentes do Ano Santo. O vicepresidente primeiro da Xunta, Alfonso Rueda, celebrou os bos datos de afluencia que está a rexistrar o Camiño de Santiago unha vez superadas as restricións pola pandemia, como o demostra o feito de que só na primeira fin de semana de abril se rexistraran máis peregrinos que en todo o mes de abril do ano pasado.