O Salón Social da Terceira Idade do Pazo da Cultura de Carballo abrirá a partir do 18 de abril

A partir do luns 18 de abril, o Salón Social da Terceira Idade do Pazo da Cultura abrirá, de 16 a 21 horas. O uso do mesmo responderá á normativa e recomendacións sanitarias, que, neste momento, inclúen o uso de máscara en interiores, recordando o deber da cidadanía de cautela e protección para evitar a xeración de riscos de propagación da enfermidade COVID-19, así como a propia exposición aos ditos riscos, lembrando a importancia da hixiene frecuente de mans, mantemento de distancias interpersoais, ventilacións e non asistencia ás instalacións ante síntomas compatibles con enfermidade.