O Sergas realiza un cribado en Carnota e Negreira

O Sergas cita un total de 2.818 persoas para dous cribados por PCR que acometerá esta fin de semana entre a poboación dos municipios coruñeses de Negreira e Carnota. En concreto, en Negreira será no centro de saúde da localidade ao longo da xornada deste sábado. Estarán chamados a participar 1.459 persoas con idades comprendidas entre os 30 e os 44 anos. En canto ao cribado de Carnota, serán 1.359 persoas, con idades de 15 a 74 anos, as que estarán chamadas a acudir ao centro de saúde, onde catro equipos de enfermería tomarán as mostras. A poboación será citada a través dun SMS en que figurará a hora e a dirección á que deben acudir, así como un código QR para a súa identificación persoal.