O Somozas máis líder á conta do Fisterra

O Somozas sumou tres puntos máis no seumarcador particular, á cabeza da Terceira División Grupo 1, catro puntos por encima do Bergantiños FC. Fíxoo este mércores no estadio Ara Solis en partido correspondente á décimo cuarta xornada ligueira que debía disputarse a finais do pasado mes de xaneiro e xogado en casa do Fisterra que perdeu por un contundente 0-3. As baixas de Pacheco, Josito e Juan Martínez non fixeron efecto no equipo somocense, que se fixo co partido con suma facilidade. Ao Fisterra quédalle seguir traballando para seguir sumando puntos nun calendario saturado de partidos nas próximas datas. Próxima cita este sábado ás 16:30 horas na casa dun rival directo na táboa, como é o CSD Arzúa.