O Tribunal Supremo dos Estados Unidos declarou este luns inconstitucional a expulsión do expresidente Donald Trump das primarias republicanas en Colorado, un fallo que lle achanda o camiño para ser elixido o candidato do seu partido á Presidencia.
A decisión do máximo tribunal, que se anunciou a véspera deste ‘supermartes’ —data clave no camiño á Casa Branca—, podería afectar tamén a denuncias similares que interpuxeron os estados de Maine e Illinois.
O expresidente está apoiado politicamente por numerosos fiscais xerais estatais e por case 200 republicanos con representación nas dúas cámaras do Congreso, entre os que destacan o presidente da Cámara dos Representantes, Mike Johnson, ou o líder da minoría republicana no Senado, Mitch McConnell.
Tanto Colorado como Maine apoiáronse na Constitución para eliminar ao aspirante ao candidato presidencial pola súa imputación polo asalto ao Capitolio do 6 de xaneiro. Con todo, outros estados como Michigan ou Minnesota rexeitaron este posicionamento.