40
O maxistrado do Supremo Pablo Llarena, que instrúe a causa contra o expresident de Cataluña Carles Puigdemont, pediu ao Tribunal de Apelación de Sassari, en Italia, que acorde a súa entrega a España porque a cuestión prexudicial non suspende a euroorden, que está «activa», e xa non ten inmunidade. Fíxoo nun oficio remitido este xoves ao representante de España en Eurojust para que traslade ao tribunal italiano o auto no que acordou a prisión provisional do expresidente catalán e co que sustentou a euroorden emitida o 14 de outubro de 2019 contra el.