Máis dunha trintena de persoas morreron e máis de 328.000 foron evacuadas debido ao tifón Rai que provocou desfeitas e inundacións na rexión central de Filipinas. O Consello Nacional de Xestión e Redución do Risco de Desastres notificou que hai 193 localidades sen electricidade e 22 estradas danadas, mentres que os centros de evacuación albergan apenas 2.200 persoas, as que non quedaron bloqueadas polas inundacións. O tifón, que tocou terra con ventos de ata 240 quilómetros por hora, debilitouse algo, con ventos de ata 185 km por hora mentres sae de Filipinas cara ao mar de China Meridional, segundo a axencia de meteoroloxía PAGASA. O corte de estradas e as inundacións están a dificultar as tarefas dos equipos de rescate en illas como a de Siargao, que quedou practicamente asolagada.
35