A sección terceira da Sala do Contencioso-administrativo do Tribunal Superior de Xustiza de Galicia (TSXG) decreta a anulación das autorizacións administrativas previa e de construción do parque eólico A Ruña III, situado non termo municipal de Mazaricos. Desta forma acepta o recurso presentado pola asociación Petón do Lobo. En 2024, o TSXG decidiu suspender, á espera de que se resolvese a cuestión prexudicial presentada en Europa, o litixio que debía decidir sobre a legalidade das autorizacións concedidas pola Xunta á promotora do parque A Ruña III, Eurus Desenvolvementos Renovables. Os maxistrados basean a anulación en que a declaración de impacto ambiental se limitou ao parque eólico cando se tiña que realizar de forma conxunta coa da liña eléctrica de evacuación. O segundo dos argumentos estimados polo TSXG é a falta de análise, na declaración de impacto ambiental, “para previr ou, non seu caso, mitigar”, os danos que o parque eólico podería producir a algúns espazos próximos á Rede Natura 2000. A sentenza non é firme, pois cabe presentar recurso de casación ante o Tribunal Supremo.