A erupción do volcán de Cumbre Vieja cumpriu 86 días de actividade co que se converte na máis longa das que se teñen noticias na Palma e unha das máis duradeiras das rexistradas en España, aínda que moi lonxe aínda do Timanfaya, en Lanzarote, que no século XVIII estivo activo durante seis anos. Ata o de agora a máis prolongada na Palma fora a do volcán Tehuya, que entrou en erupción o 19 de maio de 1585 despois dunha intensa actividade sísmica que se prolongou durante 84 días e finalizou o 10 de agosto dese ano. Este domingo rexistráronse pulsos de forte intensificación no tremor do volcán da Palma e a expulsión de bombas volcánicas na vertente este. Ata o momento, a erupción volcánica destruíu total ou parcialmente máis de 2.650 edificios e vivendas, o que obrigou á evacuación de miles de persoas.
36