A Asociación de Médicos Galegos, decidiu conceder o Premio Nóvoa Santos deste ano ao doutor José Ramón González Juanatey, xefe de Cardioloxía do Hospital Clínico de Santiago de Compostela. Destacaron o «altísimo nivel» das diferentes propostas, aínda que finalmente optaron polo doutor do CHUS e catedrático de Medicina pola súa traxectoria profesional en todos os ámbitos, tanto docente como investigador e asistencial. O acto de entrega celebrarase o próximo 20 de xuño, no salón de plenos da Deputación de Ourense, conmemorando ademais a vixesimo primeira edición do galardón.