47
O xuíz Manuel García Castelló, que instrúe o caso Púnica na Audiencia Nacional, citou como investigadas ás expresidentas da Comunidade e do Partido Popular de Madrid, Cristina Cifuentes e Esperanza Aguirre. Cifuentes declarará o 1 de outubro e Aguirre o 18 do mesmo mes. A decisión do xuíz dá resposta a un recente escrito da fiscais Carmen Cerdá e María Teresa Gálvez que, baseándose en informes da Unidade Central Operativa da Garda Civil, reclamaban a imputación de ambas as exdirigentes polo suposto financiamento irregular da formación na Comunidad de Madrid. O xuíz impútalles os delitos de financiamento ilícito, desvío de diñeiro público e falsidade documental.