O xuíz da Audiencia Nacional, Francisco de Jorge impuxo a Luís Rubiales a prohibición de achegarse a un radio de 200 metros ou comunicarse coa xogadora Jenni Hermoso tras estar imputado por posible agresión sexual tras o bico que o expresidente da RFEF lle deu á futbolista durante a final da Copa Mundial.
Nun auto emitido tras a declaración como investigado de Rubiales o titular do Xulgado Central de Instrución número 1 segue así en parte o criterio da tenente fiscal, Marta Durantez, pero rexeita as comparecencias perante o xulgado quincenais, e a solicitude da acusación particular de embargar os bens do expresidente.
Rubiales negou ante o xuíz que se desen coaccións cara á xogadora da absoluta e a súa contorna, así como a falta de consentimento no bico que lle propinou na entrega de trofeos do Mundial en Sidney.
A avogada de Jenni Hermoso, Carla Vall reiterou que “foi un bico non consentido”.