O Concello da Laracha ten en fase de execución simultaneamente dúas actuacións de mellora da rede viaria en estradas que discorren polas parroquias de Golmar e Soutullo.
Unha delas consiste na mellora da estrada entre O Igrexario de Golmar e A Xesta (Soutullo) ao longo de 3.150 metros de distancia. Tamén inclúe a ampliación da pista de acceso ao campo da festa deste último lugar.
A outra actuación afecta a outra estrada municipal que supera os tres quilómetros de lonxitude e que comunica o lugar de O Regueiro (Golmar) con Gosende (Soutullo).
A seguinte intervención que se levará a cabo consistirá na mellora do pavimento da estrada no núcleo de San Cristovo (Golmar).