A Casa Real británica anunciou este venres que o duque de Edimburgo e marido da raíña Isabel II, o príncipe Felipe, morreu aos 99 anos. O duque estivo recentemente ingresado durante 28 días para tratarse dunha infección e operarse dun problema cardíaco. «É con gran pesar que A súa Maxestade a Raíña anuncia a morte do seu amado marido, A súa Alteza Real o príncipe Felipe, duque de Edimburgo», sinalou o Palacio de Buckingham na nota. «A súa Alteza Real morreu pacificamente no castelo de Windsor. Faranse novos anuncios ao seu debido momento»», engade o comunicado. Nesta liña, o texto sinala que a Familia Real británica «únese á xente en todo o mundo en chorar esta perda». Aínda que ten dereito a un funeral de estado, o príncipe insistiu en que non quería un velorio en Westminster. Tampouco será enterrado na Abadía de Westminster, senón no Palacio de St. James. As bandeiras ondean a medio mastro e declaráronse oito días de loito oficial.
45