Oito mortos nun accidente dunha avioneta contra un edificio en Milán

Oito persoas morreron este domingo ao esnafrarse unha avioneta contra un edificio en Milán. Entre os falecidos hai un neno e o piloto da aeronave. Era un voo privado. A avioneta saíra do aeroporto de Linares cara a Sardeña pero ao pouco de engalar bateu contra un edificio de dous andares, que se usa como aparcadoiro, e que no momento do accidente estaba baleiro. Algunhas testemuñas aseguran que o motor xa estaba ardendo antes da colisión. Hai unha investigación aberta para coñecer as causas do sinistro.