22
O pasado mes de febreiro o Concello de Oleiros solicitou á Dirección Xeral de Costas o arranxo con urxencia do desprendemento producido na zona do Xunqueiro, en Mera. Transcorridos máis de 9 meses e ante o grave perigo existente para vehículos e peóns, o Concello trasladará a situación á Fiscalía para que Costas asuma as competencias que lle competen por lei. Provisionalmente, o Concello sinalizará a zona no momento do desprendemento, pero fontes municipais afirman que esta situación non se pode prolongar por máis tempo.