Un home atrincheirouse armado este venres na rúa dos Nenos en Oleiros, con ameazas cara á que foi a súa esposa e que ao parecer xa non vivía con el, pero que foi quen deu a voz de alarma. A Garda Civil acudiu á vivenda e foi recibida a tiros cunha escopeta de caza. Un axente resultou ferido leve como consecuencia dos disparos. Tras pedir reforzos o home atrincheirouse no domicilio, ao lugar acudiron as forzas especiais da Garda Civil, Policía Xudicial e Científica. Houbo varios intentos de negociar con este home armado, pero sen resultado satisfactorio. Xa pola mañá un axente «negociador», desarmado achegouse pola parte traseira da vivenda e o atrincheirado accedeu a falar con el, nuns minutos determinou entregarse, terminando así o pesadelo para veciños e forzas da orde. O home foi trasladado a un centro médico e de aí ao cuartel de Lonzas.