Once persoas permanecen desaparecidas en augas do Sahara Occidental tras a colisión entre un cargueiro do grupo Calvo e un pesqueiro marroquí. O buque da conserveira galega é o «Montelaura», con bandeira panameña. Segundo fontes oficiais do país alauí, o accidente producíuse a uns sesenta quilómetros do porto de Dajla, ao sur do Sahara Occidental. Cinco mariñeiros que estaban a bordo do pesqueiro foron rescatados pero once continúan desaparecidos.