Israel impuxo un bloqueo case total ao acceso de comida, auga, gasolina ou medicamentos ao que se engade agora a interrupción completa de comunicacións. A situación empeora por momentos e a axencia da ONU para os refuxiados afirmou que Israel tenta “estrangular” as súas operacións humanitarias no enclave. A falta de combustible fai inviable o transporte de axuda e outros servizos esenciais.
Os soldados israelís continuaron rexistrando sen éxito os edificios do hospital da o Shifa en busca de probas contra Hamás. Segundo a ONU no hospital permanecen ao redor de 2.300 persoas, entre pacientes e persoal médico.
Desde o 7 de outubro, polo menos 11.500 palestinos morreron polos bombardeos israelís na Franxa de Gaza; na súa maioría as vítimas mortais son nenos e mulleres. Ao lado israelí hai ao redor de 1.200 mortos e 240 reféns secuestrados por Hamás.