A ministra alemá do Interior, Nancy Faeser, prohibiu este martes a asociación ultradereitista ‘Hammerskins Deutschland’, incluídas as súas seccións rexionais e a súa suborganización «Crew 38», contra cuxos membros se realizaron rexistros en dez estados federados.
«A prohibición de ‘Hammerskins Deutschland’ é un duro golpe contra o extremismo de dereitas organizado. Con esta prohibición poñemos fin en Alemaña ás actividades inhumanas dunha organización neonazi internacionalmente activa. Con iso, enviamos un claro sinal contra o racismo e o antisemitismo», declarou a ministra alemá do Interior, Nancy Faeser, nun comunicado.
Faeser, tamén engadiu que seguirán actuando con determinación para desmantelar estruturas que supoñen un perigo para a democracia.