Os aeroportos de Alvedro e de Peinador só abrirán catro horas ao día

Trátase dunha medida que non afecta a terminal da Lavacolla. Aena tomou esta decisión pola restrición á mobilidade e o drástico descenso no número de voos. Tanto en Vigo coma na Coruña só operan dous en todo o día e, nos dous casos, trátase das conexións con Madrid. O que si se mantén é a súa operatividade para poder recibir voos en caso de necesidade. O aeroporto da Lavacolla en Santiago, pola súa clasificación como terminal 24 horas, non pechará en todo o día, aínda que con algunhas restricións.