Non houbo máis vehículos implicados. O accidente ocorreu un cuarto de hora despois das tres da tarde. Segundo a persoa que alertou ao 112 Galicia, un home sufrira unha caída de moto no quilómetro 66 da AC-552, quedando atrapado por un pé.
Con isto, desde o 112 Galicia informouse ao Servizo de Urxencias Sanitarias de Galicia-061, aos Bombeiros de Cee, á Garda Civil de Tráfico, á Policía Local e á Agrupación de Voluntarios de Protección Civil de Vimianzo.
Foi necesario que os bombeiros cortasen o guiador da moto para poder acceder ao ferido, que sería atendido polo persoal sanitario e logo trasladado ao hospital.
Evacuado un menor en helicóptero en Cabana
O 112 tamén informaba na tarde deste venres dun suceso acontecido en Cabana de Bergantiños pasadas as 17:00 horas. Un menor de 14 anos pricipitábase ao baleiro desde un terceiro andar, caendo no patio de luces dun edificio situado en As Grelas, no centro de Cabana.
Ao punto acudiron a Policía Local, a Garda Civil e os servizos médicos que evacuaron ao menor a bordo do helicóptero do 112 que se trasladaba de urxencia ao lugar. As forzas da orde investigan as causas deste suceso, que polo momento non transcenderon.