A empresa de renovables Greenalia, promotora entre outros dos parques eólicos de Campelo, Bustelo e Monte Toural, que afectan a Coristanco, Carballo e Santa Comba, asinou un acordo de apoio económico con Xiria Escola de Balonmán para o desenvolvemento dos seus campus de verán e Nadal e que teñen como finalidade a conciliación laboral e familiar dos seus participantes.
Máis de 500 familias beneficiáronse desde 2020 de axudas para material escolar en varios concellos onde a compañía ten proxectos, así como a súa colaboración con actuacións inclusivas no ámbito deportivo, entre as que destaca o apoio ao Basket Coruña, á que se suma esta firma co Club Xiria.
Na firma do acordo estiveron presentes Beatriz Mato, directora de Sustentabilidade e Desenvolvemento Corporativo de Greenalia e José Antonio Rodríguez Fraga, vicepresidente de EscolasBalonmán Xiria. Ademais de, Jessica Posse Díaz, responsable de operacións de Escolas Balonmán Xiria, e Gonzalo Castañeira, director de Comunicacións, Persoas e Marca corporativa de Greenalia.