Os epidemiólogos alertan do perigo das festas: “Vai haber unha explosión de casos”


Este é precisamente un dos escenarios máis temidos polos epidemiólogos a partir do final do estado de alarma: o repunte de casos entre a poboación nova. Os expertos alertan do perigo desa falsa sensación de euforia, especialmente para un sector poboacional que ata o de agora non foi especialmente golpeado polo virus. “Non hai ningunha dúbida de que vai haber unha explosión de casos nos próximos días, porque precisamente os grupos que máis se involucraron neste tipo de actividades son os que menos protexidos están: os que menos enfermidade tiveron e non están vacinados aínda”, asegurou o epidemiólogo Quique Bassat.