Asturias eleva o nivel de emerxencia por mor dos incendios, tras declararse un novo lume que ameaza as casas en tres localidades. Ese lume afecta ao concello de Las Regueras, preto de Oviedo, e medraba a preocupación ao achegarse perigosamente a varios núcleos de vivendas. Este sábado permanecían activos sete incendios, nos que traballaban bombeiros e helicópteros de extinción, e once máis están en fase de revisión. O Goberno autonómico elevaba a nivel dous a fase de emerxencia. Nos últimos quince días arderon xa unhas 20.000 hectáreas no Principado.