As cotizacións sociais superan en 4.249 millóns de euros ás obtidas un ano antes e crecen ao maior ritmo dos últimos 16 anos. O incremento dos ingresos por cotas á Seguridade Social respecto ao nivel previo á pandemia é do 22,8%.
Os ingresos por cotizacións sociais á Seguridade Social continúan aumentando; en concreto, ata abril rexistrouse un incremento do 9,3% interanual. Desta maneira, sitúanse en 50.171 millóns de euros (4.249 millóns máis que un ano antes).
Se se toman como referencia os datos do último exercicio que non estivo afectado pola pandemia, 2019, o incremento das cotizacións é do 22,8% (9.324 millóns de euros máis).
Desta forma, os ingresos por cotizacións sociais continúan marcando máximos históricos en termos absolutos e tamén rexistran o maior incremento nos últimos 16 anos, no acumulado dos catro primeiros meses do ano.