Este pasado mércores preto de 60 persoas maiores que anualmente participan nos talleres de envellecemento activo do concello de Vimianzo fixeron unha visita ao Museo Etnolúdico de Galicia (Ponteceso) e ao tradicional Forno do Forte e olerías Buño, acompañados durante toda a xornada pola Concelleira de Benestar Social, María José Pose e polo monitor dos talleres, Alejandro Trillo.
A visita, guiada polo propio fundador, Ricardo Pérez y Verdes, foi organizada polo Concello de Vimianzo e tivo unha duración de dúas horas e media. Durante toda a xornada matinal, os participantes tiveron a oportunidade de coñecer e lembrar unha chea de xogos e mesmo practicar algún deles dando lugar a moitos momentos de risas, lembranzas e anécdotas.
Pola tarde visitaron o tradicional Forno do Forte onde, a través de grupos guiados, os maiores puideron coñecer todo o proceso de preparación do barro e o forno onde este se coce, ademais de gozar dunha da mostra ao vivo dun profesional creando pezas de alfarería.