Italia supera xa os 1.440 falecidos por coronavirus e hai máis de 21.100 casos positivos. Máis da metade dos enfermos actuais están ingresados no hospital e máis de 1.500 reciben coidados intensivos. En polo menos dous hospitais empezan a probar unha medicación que mellora os síntomas dos contaxiados. É un medicamento para tratar enfermidades inflamatorias como a artrite reumatoide. Algúns pacientes reduciron a súa inflamación pulmonar. Paolo Ascierto, director da clínica de inmunoloxía do Instituto Pascale de Nápoles, explica que «partimos da experiencia de 21 pacientes feita en China e da experiencia que estamos a ter agora. Vemos que funciona. Actualmente non funciona con todo o mundo. Cremos que se identificamos o momento exacto para o tratamento, podería ser moito máis eficaz». O Goberno italiano decretou restricións de movemento e sociais en todo o país para tratar de conter a pandemia. Desde o seu confinamento na casa, os italianos aplauden a todos os médicos, enfermeiras e científicos que traballan para salvar vidas.
30