39
Os pescadores deportivos concentráronse este sábado no porto de Malpica para pedir que os deixen entrar nos peiraos para poder lanzar a cana. Son conscientes de que a pesca deportiva nas dársenas que son competencia de Portos de Galicia é unha actividade prohibida desde hai case medio século, concretamente desde 1972. Tamén é certo que se fixo a vista gorda durante décadas e esta actividade permitíase. Foi así ata que comezaron as denuncias e os conflitos nalgúns portos, coma o de Malpica. Nesta vila da Costa da Morte concentráronse os pescadores de toda Galicia para pedir que se modifique a normativa vixente.