O número de refuxiados ucraínos que abandonaron o seu país supera a barreira dos cinco millóns, segundo o último cálculo de ACNUR, a Axencia de Nacións Unidas para os Refuxiados. Aos que se suman polo menos outros sete millóns de desprazados nalgún momento dentro de Ucraína, estimados pola Organización Internacional para as Migracións. En total, por tanto, 12 millóns de persoas, máis da cuarta parte da poboación ucraína viuse forzada a deixar os seus fogares pola invasión rusa. Polonia é o país que máis refuxiados recibiu, 2,8 millóns. As mulleres e os nenos representan o 90% deste éxodo. Mentres os combates seguen concentrándose no leste do país, familias do oeste e norte comezan aos poucos a regresar ás súas casas ou o que queda delas. Nos arredores de Kiev a devastación é total.