- Como na cabalgata non se tirarán caramelos, as SS.MM enviarán lambonadas ás casas de todos os nenos do municipio
Os Reis Magos de Oriente entrarán en Galicia por Camariñas, e farano en barco o próximo 5 de xaneiro. A cabalgata, que arrincará ás 11:00 horas coa recepción no porto ás Súas Maxestades, percorrerá todas as parroquias ao longo da xornada.
Debido ás restricións sanitarias, non se farán paradas nin se lanzarán caramelos. Aínda así, os Reis están enviando ás casas de todos os nenos e nenas de Camariñas unha carta e unha bolsa de lambonadas.